Լեռնային Ղարաբաղ

Արցախի պետսեկտորի 10 աշխատակից ազատվել է աշխատանքից. Արայիկ Հարությունյանը խոստացել էր աշխատանքից ազատել պետապարատն ու երկիրն այս օրերին լքած պաշտոնյաներին

Լուսանկարը՝ Photolure

Նոյեմբերի 3-ին Լեռնային Ղարաբաղի նախագահ Արայիկ Հարությունյանը հայտարարեց, որ պատժելու է պատերազմի առաջին օրերից Արցախը լքած պաշտոնյաներին:

https://www.facebook.com/ArayikHarutyunian/posts/641547409875969

Pan.am — Արցախի նախագահ Արայիկ Հարությունյանի հրամանագրերով և կառավարության որոշումներով նոյեմբերի 3-ին աշխատանքից ազատվել է պետական սեկտորում աշխատող 10 պաշտոնյա և աշխատակից։

Ազատվածներն են նախագահի օգնական Ռուդիկ Մարտիրոսյանը, գլխավոր դատախազի տեղակալներ Էրիկ Վերդիյանը և Սասուն Գաբրիելյանը, Վիճակագրության պետական խորհրդի անդամ Արմեն Սողոմոնյանը։ Բացի այդ, վաղաժամկետ դադարեցվել են Կենտրոնական ընտրական հանձնաժողովի անդամ Եղիշե Արզումանյանի լիազորությունները:

Աշխատանքից հեռացվել են նաև աշխատանքի, սոցիալական և բնակարանային հարցերի նախարարի առաջին տեղակալ Արկադի Սողոմոնյանը, քաղաքաշինության փոխնախարար Դավիթ Ավանեսյանը, կրթության, գիտության և մշակույթի նախարարության աշխատակազմի ղեկավար Էրիկ Գրիգորյանը, Պետական եկամուտների կոմիտեի աշխատակազմի ղեկավարի պաշտոնակատար Գագիկ Հայրապետյանը, նախագահի աշխատակազմի կառավարության գործերի կառավարչության պետի օգնական Արտակ Առստամյանը։

Ղարաբաղում ընտրություններ են․ ժամը 8:00-ից բացվել են 281 ընտրական տեղամասերը

enzuza

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

enzuza

Լեռնային Ղարաբաղը պետք է վերամիավորվի Հայաստանի հետ. Մարին Լը Պեն

enzuza