Հայաստան Քաղաքական

Սկսում եմ պայքար ինձ լկտիաբար խաբած քաղաքական թիմի և պոպուլիստ, ստախոս Նիկոլ Փաշինյանի դեմ. Գարեգին Միսկարյան

Հայաստանում կա համակարգային կոռուպցիա և այդ կոռուպցիայի հովանավորը Նիկոլ Փաշինյանն է, ֆեյսբուքյան իր էջում գրել է «Քաղաքացու որոշում» սոցիալ-դեմոկրատական կուսակցության գործադիր մարմնի անդամ Գարեգին Միսկարյանը:

«Դրանցից ամենամեծը դատական ոլորտում է, որտեղ դատավորները կարողացան ճնշումների ու ունեցած կապերի միջոցով հասնել վեթինգի կանխմանը։ Նիկոլ Փաշինյանը հերթական անգամ խաբեց իրեն հեղափոխական ճանապարհով վարչապետ հռչակած ժողովրդին, հերթական անգամ կուլ գնաց համակարգին, հերթական անգամ ներկայացնելով դա որպես այլընտրանքի բացակայությունը։

Դատական համակարգում վեթինգ չիրականացնելով, դատական համակարգը թողնելով նույն վիճակում, որ վիճակում որ այն կար (ժողովրդի կողմից 0 վստահություն, անարդար վճիռներ և պատվերով դատական ակտերի կատարում) , Նիկոլ Փաշինյանի ամուլ քաղաքական թիմն իր ղեկավարի հետ համատեղ քայ առ քայլ իրականացնում են հեղափոխության անվան տակ ժողովրդին մատուցած իշխանափոխության իրենց ծրագիրը։

Ես՝ Հայաստանի Հանրապետության քաղաքացիս, 2018 թվականին դուրս եմ եկել փողոց համակարգային փոփոխությունների պահանջով և այդ փոփոխությունների անհրաժեշտությունն ու պահանջը մնում է որպես ՀՀ քաղաքացի իմ օրակարգում։

Ես համոզմունք ունեմ, որ առանց հեղափոխության հարթակից հնչած օրակարգի իրականացման, որի մեջ էր նաև դատական համակարգի փոփոխությունը, Հայաստանում հնարավոր չէ իրականացնել արժեքային փոփոխություններ հանրային հարաբերություններում։

Ըստ այդմ, ես շարունակում եմ իմ սկսած հեղափոխությունը և պահանջում եմ օրվա կառավարող ուժից սկսել դատական համակարգում իրական վեթինգի գործընթաց, փոխել դատական համակարգը և ստեղծել ազատ, արդար, ժողովրդի վստահությունն ու հարգանքը վայելող դատարան։

Եթե օրվա իշխանություններն՝ ի դեմս Նիկոլ Փաշինյանի, ի վիճակի չեն կատարելու հեղափոխական հարթակից հնչեցրած իրենց խոստումը, ապա նրանց տեղն աշոտյանի կողքին է։

Ես` Հայաստանի Հանրապետության քաղաքացի Գարեգին Միսկարյանս, սկսում եմ իմ պայքարը հեղափոխական ամբիոնից ինձ լկտիաբար խաբած քաղաքական թիմի և հեղափոխության ինքնահռչակ առաջնորդ, պոպուլիստ, ստախոս Նիկոլ Փաշինյանի դեմ։

Կա՛մ նա սկսում է իրական դատական համակարգի բարեփոխումների ծրագիր, կա՛մ ես օրենքի և իրավունքի սահմաններում ամեն ինչ անելու եմ, օր առաջ նրանից ազատվելու և իրական հեղափոխական օրակարգը կյանքի կոչելու համար։

Ես գիտակցում եմ, որ սույն հայտարարությամբ, վտանգում եմ իմ և իմ հարազատների ազատությունը և կյանքը, քանի որ այդ օրակարգը, ինչպես որ նախկիններին ձեռնտու չի, նույնքան էլ՝ ներկաներին, և ես՝ ի դեմս ներկաների և նախկինների, ունեմ երկակի հակառակորդներ, բայց ես աներեր եմ իմ համոզմունքների մեջ և վստահեցնում եմ, որ ինձ չեն կանգնեցնելու ո՛չ ուղղակի և անուղղակի սպառնալիքները, ո՛չ ֆեյքերի ու զոմբիների հայհոյանքները, որոնք շատ շուտով մնալու են ներկա իշխանության միակ կողմնակիցներն ու հենարանը։

Հանուն ինքնիշխան, ժողովրդավար Հայաստանի Հանրապետության, հանուն արժանապատիվ հայ ժողովրդի», – գրել է Միսկարյանը:

ՀԱՅԱՍՏԱՆՈՒՄ ԿԱ ՀԱՄԱԿԱՐԳԱՅԻՆ ԿՈՌՈՒՊՑԻԱ և այդ կոռուպցիայի հովանավորը Նիկոլ Փաշինյանն է։ Դրանցից ամենամեծը դատական ոլորտում…

Опубліковано Գարեգին Միսկարյան Понеділок, 18 травня 2020 р.

«Վեոլիա ջուր»․ Հոկտեմբերի 1-ից ջուրը կդառնա ժամով (հասցեների ցանկ)

enzuza

Դու հլը կուխնուց դուրս արի, նոր ուրիշներին ֆեյսբուքից դուրս գալու խորհուրդ տուր. Փաշինյան

enzuza

Ինչպես են սնունդը փոխանցում կորոնավիրուսի պատճառով մեկուսացված ՀՀ քաղաքացիներին

enzuza