Առողջապահություն Հասարակություն

16-ամյա Արտակի մոտ 4 ուռուցք է հայտաբերվել. պատանին օգնության կարիք ունի

News.am — Երեւանի բնակիչ, այժմ Աբովյան քաղաքում վարձով բնակվող 16-ամյա Արտակ Հարությունյանի մոտ 4 ուռուցք է հայտնաբերվել` 3-ը ողերի արանքում, մեկն էլ ոնաշարին: NEWS.am-ի հետ զրույցում Արտակի մայրը` Լիլիթ Հարությունյանը պատմեց, որ որդու մոտ հիվանդությունը սկսվել է 2015 թվականից:

«2015 թվականին վիրահատել ենք 7.5 սմ-անոց ուռուցքը, որը երիկամի մոտ էր հայտնաբերվել: Վիրահատությունից մեկ ամիս անց ինքը շատ ուժեղ ցավեր ուներ ողնաշարի շրջանում:

Բժիշկն ուղարկեց իրեն ՄՌՏ-ի, որը ցույց տվեց, որ 3 ուռուցք առաջացել է  ողերի արանքում եւ մեկն էլ ողնաշարի վրա: Այսինքն` ուռոցքը մեծանում է, կպնում է ողնուղեղին եւ երեխուն տանում է պարալիզացման, ինքնազգացողության վատացման: Ես շատ հիվանդանոցներում եմ եղել, սակայն, ցավոք սրտի, այստեղ  բուժումը հնարավոր չէ իրականացնել, քանի որ ուռուցքը չի ենթարկվում ոչ ճառագայթի, ոչ քիմիոթերապիայի: Որդուս բուժումը հնարավոր է միայն Գերմանիայում, ինչն էլ մեծ գումարների հետ է կապված: Գոնե միայն հասնեմ էնտեղ, մտածում եմ, որ որդուս կօգնեն»,- պատմեց նա:

Լիլիթը Արտակին 3 ամսականից միայնակ է մեծացնում: Ամուսինը նույն հիվանդությունից է մահացել 16 տարի առաջ:

Արտակը հաշմանդամության 2-րդ կարգ ունի, անչափահաս է, բայց նույնիսկ ՄՌՏ հետազոտություն անելու համար ինքը խնդրի առաջ է կանգնում. «Որ գնում եմ հիվանդանոց, ասում եմ անչչափահաս է երեխան, հաշմանդամության կարգ ունի, չեն ասում չենք անի, ասում են կհերթագրենք, ամռանը ձեր հերթը կհասնի, բայց երեխային այս պահին է պետք էդ հետազոտությունը, բայց չեմ էլ կարողանում բողոքեմ, քանի որ չեն մերժում»:

Օգնել ցանկացողները կարող են զանգահարել Լիլիթ Հարությունյանին հետեւյալ հեռախոսահամարով՝ 077280789։

Լիլիթ Հարությունյանի հաշվեհամարները հետեւյալն են`

Արդշինբանկ

  • USD — 2479600096590000
  • EUR — 2479600096590010
  • RUR — 2479600096590020
  • AMD — 2470056808377610

ԵՊՀ-ում ֆիզկուլտուրայի ստուգարքը չստանալու պատճառով գերազանց սովորող ուսանողի են հեռացրել

enzuza

Իմ հարթակը կխնդրեմ չվերածել հանրային զուգարանի, քանի որ Ես Լինդա Դավթյանն եմ՝ ոչ Քոչարյան Լյուսին

enzuza

Հայաստանում գրանցվել է կորոնավիրուսից մահվան 14 նոր դեպք․ նոր վարակակիրները 711-ն են

enzuza