Առողջապահություն Հայաստան

Նոր Նորքի տուն–ինտերնատի երկու տարեց է մահացել. մեկի մահվան պատճառը կորոնավիրուսն է

Armeniasputnik.am — Նոր Նորքի տուն-ինտերնատի բնակիչներից երկուսն այսօր մահացել են։ Լուրը Sputnik Արմենիային հայտնեց ՀՀ աշխատանքի և սոցիալական ապահովության նախարարության մամուլի քարտուղար Սոնա Մարտիրոսյանը։

Հայտնել էինք, որ Նոր Նորքի տուն-ինտերնատի բնակիչներից 17-ը վարակվել են կորոնավիրուսով, և որ նրանցից երեքի վիճակը ծայրահեղ ծանր է։

«Հիվանդանոցներում գտնվող 14 տարեցներից 11-ի վիճակը կայուն է։ Երեք ծայրահեղ ծանր վիճակում գտնվողների շրջանում երկու մահ ունենք՝ մեկը կորոնավիրուսից, մյուսը՝ ոչ։ Կորոնավիրուսից մահացածը 90–ամյա մի պապիկ է, իսկ մյուսի` մի տատիկի մահվան պատճառն ինսուլտն է եղել»,–ասաց Մարտիրոսյանը։

Նրա խոսքով` այս պահին հաստատությունում գտնվող 3 տարեցների վիճակը լավ է, ոչ մի սիմպտոմ չունեն:

Հիշեցնենք, որ Մարտիրոսյանն ավելի վաղ հայտնել էր, որ դեռ պարզ չէ` ինչպես է վարակը ներթափանցել տուն-ինտերնատ, քանի որ այնտեղ խստագույն կարանտին է եղել դեռ փետրվարի 27-ից: Սակայն ենթադրություն կա, որ վարակը «բերել» է տատիկներից մեկը, որն առողջական այլ խնդիրների պատճառով ավելի վաղ տեղափոխվել էր «Էրեբունի» բժշկական կենտրոն։

Դուրս գրվելուց հետո կնոջը թեստավորել են, պատասխանը բացասական է եղել։

Բայց երբ վիրուսի ախտանշաններն ի հայտ են եկել նրա սենյակակցի և խնամող երկու աշխատակցի մոտ, այդ ժամանակ որոշվել է զանգվածային թեստավորում անցկացնել։

ՀՀԿ-ն չի մասնակցի հանրաքվեի քարոզարշավին

enzuza

Հայաստանում մեկ օրում գրանցվել է կորոնավիրուսային հիվանդության 428 նոր դեպք. կա 13 մահ

enzuza

Կորոնավիրուսը դուրս է եկել վերահսկողությունից․ նախկինում 50 դեպք էր՝ մի աղբյուրից, հիմա՝ 16-30՝ 10-20 տարբեր աղբյուրներից․ նախարար

enzuza