Աշխարհում Առողջապահություն Գիտություն Հասարակություն

Ո՞րն է կանանց եւ տղամարդկանց շրջանում կորոնավիրուսից մահացության մակարդակների տարբերության պատճառը

Med.news.am — Տղամարդիկ կորոնավիրուսից 1.7 անգամ ավելի հաճախ են մահանում, քան կանայք: Յելի համալսարանի (ԱՄՆ) գիտնականները, կարծես, վերջապես պարզել են, թե ինչու է այդպես:

Բացատրություններից մեկն այն է, որ կանայք երկու X քրոմոսոմ ունեն, որոնք հարուստ են իմունային արձագանքը կարգավորող գեներով, նշվում է Science ամսագրում հրապարակված հետազոտության մեջ: Չնայած գեների դոզային փոխհատուցման մեխանիզմի արդյունքում X քրոմոսոմներից մեկը խլացված է, ԴՆԹ-ի որոշակի մասը կարող է ակտիվացնել բնածին իմունային համակարգը:

Բարդություններից կանանց կարող է պաշտպանել իգական սեռական հորմոնը` էստրոգենը, որն ի վիճակի է արգելափակել ACE2 ընկալիչը, որն կորոնավիրուսի կողմից օգտագործվում է բջիջներ ներթափանցելու համար: Իսկ ահա արական հորմոնները` անդրոգենները, ավելի են ուժեղացնում վիրուսի` բջիջները վարակելու ունակությունը:

Հետազոտողների կարծիքով` 60 տարեկանից բարձր տղամարդիկ սկսում են կորցնել իրենց առաջնային իմունային պատասխանը SARS-CoV-2-ին, սակայն նրանց մոտ հաճախ չափազանց ուժեղ փոխհատուցող պատասխան է նկատվում իմունային համակարգի այլ մոլեկուլների կողմից, ինչը եւս կարող է մահացու համակարգային բորբոքման հանգեցնել, որը հայտնեի է որպես ցիտոկինային փոթորիկ:

Նավալնիի օրգանիզմում նյարդային համակարգը պարալիզացնող թունավոր նյութի հետքեր են հայտնաբերվել

enzuza

Միֆն ու իրականությունը. 5G ցանցերը «մեղավոր» չեն կորոնավիրուսի տարածման համար

enzuza

Դժվար չէ՞ր հազարավոր երեխաներից խլել տունն ու հայրենիքը, դժվար չէ՞ այդքան լկտի ու արնախում լինել․ Կարին Տոնոյանը՝ Աննա Հակոբյանին

enzuza