Քաղաքական

Խորհրդարանը Գևորգ Պետրոսյանի նման պատգամավորների տեղը չէ. Ալեն Սիմոնյան

Ես պնդում եմ, որ խորհրդարանը Գևորգ Պետրոսյանի նման պատգամավորների տեղը չէ: Այս մասին լրագրողների հետ ճեպազրույցում հայտարարեց Ազգային ժողովի փոխնախագահ Ալեն Սիմոնյանը՝ անդրադառնալով ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի և ԱԺ մեկ այլ պատգամավոր Արման Բաբաջանյանի միջև տեղի ունեցած քաշքշուկին, հայտնում է Նոյան Տապանը

«Ես կարծում եմ, որ Գևորգ Պետրոսյանը հին աշխարհում մնացած մի անձնավորություն է, որը չի հասկացել ու դժվար թե հասկանա, թե ինչ է տեղի ունեցել Հայաստանի Հանրապետությունում»

ՀՀ ԱԺ փոխնախագահ Ալեն Սիմոնյան

Ըստ նրա՝ այսօր ամբողջ ԲՀԿ-ն և Գագիկ Ծառուկյանը հավաքվելու և կարգապահական առումով լուրջ քննարկելու բան ունեն, քանի որ անընդունելի է համարում ԲՀԿ պատգամավորների պահվածքը, երբ նրանք ամեն անգամ հրահրում ու նման իրավիճակ են ստեղծում նիստերի դահլիճում:

«Եթե պատգամավորն իրեն թույլ է տալիս տեղից վեր կենալ և մոտենալ մեկ այլ պատգամավորի, որ ելույթ է ունենում ու հոխորտալ, եթե պատգամավորը թույլ է տալիս նիստերի դահլիճում սեռական բնույթի վիրավորանք հնչեցնել, իսկ նման բան տեղի է ունեցել, ուզում եմ ձեզ տեղեկացնել, որ դուք չեք լսել: Դա եղել է, այո՛, քաշքշուկի ժամանակ ԲՀԿ պատգամավորի կողմից ընդհանուր գոռոցի ձևով»,- ընդգծեց Ալեն Սիմոնյանը:

Նրա համոզմամբ՝ Հայաստանի խորհրդարանում նման բան չի կարող լինել, որքան էլ որ նման բաներն ընդունված լինեն աշխարհի այլ երկրներում: «Ես կարծում եմ, որ ինքը (նկատի ունի ԲՀԿ-ական Գևորգ Պետրոսյանին) հին աշխարհում մնացած մի անձնավորություն է, որը չի հասկացել ու դժվար թե հասկանա, թե ինչ է տեղի ունեցել Հայաստանի Հանրապետությունում»,- շեշտեց ԱԺ փոխնախագահը:

Հետևեք մեզ մեր Telegram ալիքում:

Ձերբակալվել է Երևանի քննչական վարչության նախկին պետ Ջոն Ֆարխոյանը

enzuza

Փաշինյանը` երեխային. «Տանը հայրիկը, մայրիկը ասո՞ւմ են, որ կորոնավիրուսը սարքած ա, սթից բան ա, չկա տենց բան»

enzuza

Ես հպարտ եմ իմ որդով, նա պաշտպանեց իր մոր պատիվը. Ալեն Սիմոնյանի մոր հուզիչ գրառումը

enzuza